सरोकारवालालाई किशोरी अधिकारको बारेमा अभिमुखिकरण

मध्यबिन्दु नगरपालिकामा जागृती बाल तथा युवा सरोकार नेपालले क्यान्नलन स्विजरल्याण्डसगको साझेदारीमा संचालित किशोरी सशक्तीकरण कार्यक्रम अन्तर्गत वडा भित्रका सरोकारवालालाई अभिमुखिकरण कार्यक्रम गरिएको सस्थाका कार्यक्रम अधिकृत राधा बोटेले बताउनुभयो ।
कार्यक्रममा जिल्ला प्रहरी कार्यालय नवलपुरको महिला बालबालिका तथा जेष्ठ नगरिक सेलका प्रमुख विन्दु वि।क ले बालबालिका , किशोरकिशोरी, महिला माथी हुने विभेद, हिंसा, दुर्व्यवहारहरु त्यसले पारेका नकारात्मक प्रभावहरु, त्यस्ता समस्याहरुको अवस्था र तथ्यांक तथा समस्या समाधानका लागि गर्दै आएका अभ्यासहरु र सरोकारवालाले गर्न सकिने कार्यको बारेमा सहजीकरण गर्नु भएको थियो ।
त्यस्तै कार्यक्रममा जागृती बाल तथा युवा सरोकार नेपालको पृष्ठभुमि, यसले गर्ने कार्यहरु, किशोरी सशक्तीकरण कार्यक्रम अन्तर्गत टोल, समुदाय, विद्यालय, वडा तथा पालिकाहरुमा गर्दै आएका कार्यक्रमहरु, बाल अधिकार, किशोरी अधिकार संरक्षण र बालमैत्री अभियानमा अभिभावक सरोकारवालाको भुमिकाको बारेमा कार्यक्रम अधिकृत राधाबोटेले जानकारी गराउनु भएको थियो
कार्यक्रममा सहभागीहरुले समुदायमा बालबालिका, किशोरकिशोरीहरु र महिलाहरुसँग सम्बन्धित भइरहेका विभिन्न समस्याहरुको बारेमा सम्बोधन गर्दै अनुभवहरु पनि बताउनु भएको थियो ।
कार्यक्रममा मध्यविन्दु वडा नं ३ का वडाअध्यक्ष मान बहादुर महतोले जनप्रतिनिधिहरु सँगै टोल समुदायहरुको पनि समस्याहरु समाधानमा समान भुमिका हुनाले सबैले आ(आफ्नो क्षेत्रबाट सक्दो पहल गर्न, टोल समुदायमा विभिन्न संघ संस्था र वडाले गरेका गतिविधिहरुको सूचना तथा तथ्यांकहरु व्यवस्थित गरि राखेमा आगामी दिनमा कार्यक्रमले गर्दा केकस्ता उपलब्धि भए र अझै सुधार गर्दै जानु पर्ने पक्षको बारेमा पुनर्ताजगी हुने कुरा बताउनु भएको थियो ।
साथै उहाँले आगामी दिनमा संस्थाले गर्ने बालबालिका, अभिभावक र सरोकारवाला लक्षित कार्यक्रमहरुमा समन्वय, सहकार्यका लागि सहयोग गर्ने प्रतिबद्धता व्यक्त गर्नुभएको थियो ।
उक्त कार्यक्रम मध्यविन्दु वडा नं ३ का वडाअध्यक्ष मान बहादुर महतोको अध्यक्षता सम्पन्न कार्यक्रममा सम्पुर्ण जनप्रतिनिधिहरु, टोल विकास संस्थाका प्रतिनिधिहरु, आमा समूह र महिला समुहका प्रतिनिधिहरु, सामुदायिक वन उपभोक्ता समितिका प्रतिनिधिहरु, बिधालय र शिक्षक प्रतिनिधिहरु, विभिन्न सामाजिक संघसस्थाका प्रतिनिधिहरु तथा स्थानीयहरु गरि ४२ जनाको सहभागिता रहेको थियो ।