चौथो जितिया कप महिला फुटबल प्रतियोगिताको उपाधी अभिषेक चर्च रजहरले उचाल्यो

चौथो जितिया कप महिला फुटबल प्रतियोगिताको उपाधी अभिषेक चर्च रजहरले उचाल्यो
कावासोती ।
थारू महिलाहरूको महान पर्व जितियाको अवसरमा कावासोती १२ राजमन्दिर खेल मैदानमा सञ्चालन भएको सेन्ट्रल कलेज चौथो जितिया कप महिला फुटबल प्रतियोगिताको उपाधी अभिषेक चर्च रजहरले उचालेको छ ।
भरतपुर २३ जगतपुर फुटबल क्लबलाई तीनशुन्य गोल अन्तरले पराजित गर्दै अभिषेक चर्च रजहरले जीत निकालेको हो । अभिषेक चर्चका लागि जर्सी नम्बर ७ की अस्मिता महतो , जर्सी नम्बर १० की मीना देउवा र जर्सी नम्बर ११ की विर्सना चौधरीले गोल गरेका हुन ् ।
सोमबारको म्यान अफ दि म्याच अभिषेक चर्चकी मीना देउवा हुन सफल भइ पुरस्कृत हुनुभयो भने , प्रतियोगिता अवधीभरको सर्वाधिक गोल कर्ता अभिषेक चर्चकै विर्सना चौधरी , उत्कृष्ट खेलाडीमा पनि अभिषेक चर्चकै सलिना सारु सफल भएर पुरस्कृत हुनुभयो ।
प्रथम हुँदै अभिषेक चर्च रजजहरले ५५ हजार नगद, शिल्ड ,मेडल र प्रमाणपत्र प्राप्त गरेको छ । दोश्रो हुने जगतपुरले ३५ हजार नगद , शिल्ड ,मेडल र प्रमाणपत्र प्राप्त गरेको छ । यस्तै सेमी फाइनलमा प्रवेश गरेको दुई टिमलाई दशदश हजार नगद प्रदान गरिएको छ ।
कावासोती नगरपालिका उपप्रमुख फूल कुमारी थनेतको प्रमुख आतिथ्यतामा एक औपचारिक कार्यक्रमको आयोजना गरेर पुरस्कार वितरण तथा प्रतियोगिताको समापन सोमबार गरिएको छ ।
खेल संयोजक रण बहादुर थनेतको अध्यक्षतामा भएको कार्यक्रममा कावासोती १२ का अध्यक्ष धु्रव खनाल ( दिपेश) ले स्वागत मन्तव्य राख्नुभएको थियो । उहाँले कावासोती १२ ले खेल क्षेत्रको विकासका लागि निरन्तर रुपमा यस्ता प्रतियोगिताहरू आयोजना गर्दै आएको बताउनुभयो । उहाँले यस प्रतियोगिता प्रतियोगितामा मात्रै सिमित नरही महिला खेलाडीहरू र यस क्षेत्रका महिलाहरुको आर्थिक तथा सामाजिक सशक्तीकरणमा पनि टेवा पुगेको बताउनुभयो ।
कार्यक्रममा जिल्ला खेलकुद विकास समितिका अध्यक्ष सेतमान , विभिन्न वडाका अध्यक्षहरु वडा सदस्यहरु स्थानीय सामाजिक अगुवाहरु त्था विभिन्न संघसंस्थाका प्रतिनिधीहरुको सहभागिता रहेको थियो ।
कार्यक्रममाअम्बिका तिवारीले सहजीकरण गर्नुभएको थियो ।
डायमण्ड युथ सोसाइटी कावासोती १२ राजमन्दिरले महिला खेलाडीहरुको हौसला प्रदान गर्न र खेल क्षेत्रको विकास र नयाँ खेलाडी उत्पादन गर्न मदत गर्ने उदेश्यले विगत चा वर्षदेखी प्रतेक वर्ष महिला फुटबल प्रतियोगिता आयोजना गर्दै आएको डायमण्ड युथ सोसाइटीका सचिव नैनाराम थनेतले बताउनुभयो ।
यसैबीच कार्यक्रममा थारु समुदायका विभिन्न महिला समूहबाट झाम्टा नृत्यु र गीत समेत प्रस्तुत गरिएको थियो । थारु समुदायको कला संस्कृती संरक्षण गर्नक लागि जितियाको अवसरमा गाइने र नाचिने झाम्टालाई संरक्षण गर्नक लागि झाम्टा गीत र नृत्य प्रस्तुत गर्ने कार्यक्रम राखिएको डायमण्ड युथ सोसाइटीका अध्यक्ष लिलामणी खनालले जानकारी दिनुभयो । झाम्टा प्रस्तुत गर्ने समूहलाई वडा नम्बर १२ को तर्फबाट सम्मानपत्र र नगद समेत प्रदान गरिएको थियो ।