गण्डकी प्रदेश : ४ मन्त्रीहरूद्वारा सपथ ग्रहण

पोखरा । गण्डकी प्रदेशका नवनियुक्त ४ मन्त्रीहरूले आज सपथ ग्रहण गर्नुभएको छ । नेकपा एमालेका तर्फबाट नियुक्त ४ मन्त्रीहरूलाई एक समारोहबिच गण्डकी प्रदेश प्रमुख डिल्लीराज भट्टले सपथ ग्रहण गराउनुभएको हो ।

कास्कीका प्रकाश केसी, नवलपुरकी पद्मा जिसी (श्रेष्ठ), बागलुङका कृष्ण पाठक र पर्वतका मित्रलाल बस्याल मन्त्रीमा नियुक्त भएसँगै आज उहाँहरूले सपथ ग्रहण गर्नुभएको हो । पद्मालाई कृषि, भूमि व्यवस्था तथा सहकारी मन्त्रालय, केसीलाई भौतिक पूर्वाधार विकास तथा यातायात व्यवस्था मन्त्रालय, पाठकलाई स्वास्थ्य मन्त्रालय र बस्याललाई भने उद्योग तथा पर्यटन मन्त्रालयको जिम्मेवारी दिइएको छ ।